De VCP heeft een rubriek op haar website toegevoegd genaamd culinair waarin wij Gerrit Blaauw Kookgarage graag de ruimte geven om zijn Groninger recepten aan u te tonen.
GRAAUWAARTEN MIT SPEKVET
Vrouger mos der haard waarkt worden. Der mos dus ook veul energie in.
Graauwaarten mit spekvet was n stevege kost. Den kon elk der weer tegenaan.
In de volksmond nuimen ze dit ook wel ‘Groninger Rijsttafel’ en ‘Captain’s Dinner’. Wat hebben wie neudeg?
Twij of drij handjes dreuge graauwaartn, drij ons vetspek, eventueel 5 siepels, mosterd, zoere siepeltjes, stroop en eerappels. En den nog n lutje lepeltje zolt.
En hou mok st dat?
De graauwaarten n nachtje in t wotter zetten. Den kook st de aartn in zien aigen wotter mit n snufke zolt. Dit duurt zo n beetje anderhaalf uur. Ondertussen t vetspek in dobbeltjes snieden. t Spek in n bakpane en den zachtjes oetbakken. En verder mokst de siepels zovèr kloar. Gewoon in lutje stokjes snieden. De helfte van de siepels gooi st op t lèst bie de oetgebakken spekjes. Aander helfte dust in n bakje. De mosterd, de zoere siepeltjes en de stroop dus t ook in bakjes. De geschilde eerappels mouten nog kookt worden. As de graauwaarten der aan tou bennen, meng ze den mit t spekvet/siepelmengsel.
Graauwaarten en t spekvet kist ook lös opdainen. En hou eten wie dat den op?
Nimst n schep graauwaartn mit spekvet, legst op dien bord wat zoer en n stip mosterd. Dust der wat rauwe siepels omtou en val aan. Jat der n eerappel bie en kist t ofmokken mit wat stroop, as t dat wulst. Eet t gerecht zo hait meuglek.n haardgekookte tuutaai en wat pikkallilie smokt der ook lekker bie.
Gerrit Blaauw – Oldambtster Kookgarage
